அடிக்கடி கேட்கப்படும் கேள்விகள்
இந்தப் பதிவு முந்தைய ஆண்டுகளில் திரைப்பட விழா ஒருங்கிணைப்பாளர்கள் பெற்ற வினாக்களின் அடிப்படையில் எழுதப்பட்டுள்ளது. கீழே உங்கள் வினாக்களோ அல்லது விடைகளோ இல்லையெனில் chennaiintlqueerfilmfest@gmail.com அல்லது orinamwebber@gmail.com என்ற முகவரிக்கு மின்னஞ்சல் அனுப்பலாம்.
ரீல் டிசையர்ஸ் (Reel Desires) – சென்னைப் சர்வதேச பாலின-பாலீர்ப்பு திரைப்பட விழாவை ஓரினம் மற்றும் சமூகக் குழுக்கள், அரசு சாரா நிறுவனங்கள் ஆகியவற்றால் இணைந்து நடத்தப்படுகிறது. இந்த வருடம் (2015) இணைந்துள்ள கூட்டமைப்புகள் பின்வருமாறு – நிறங்கள், நீர், சாத்தி (SAATHII), ரியோவ் (RIOV), East-West center for counseling ( கலந்தாய்வு நடுவம்) மேலும் சில உள்ளூர் கூட்டமைப்புகள். இதே அமைப்புகள்தான் சென்ற ஆண்டும் இணைந்திருந்தன. மேலும் தகவல் அறிய இந்த பக்கத்தை பின்பற்றவும்.
இல்லை, 2004ஆம் ஆண்டு முதல் இந்தத் திரைப்பட விழா சென்னையில் நடந்து வருகிறது! எங்கள் தளத்தின் முந்தைய ஆண்டு பதிவுகளில் (archive) இது குறித்து மேலும் தகவலைப்பெறலாம்.
கலந்துகொள்ள பதிவு செய்வது கட்டாயம் இல்லை. வரும் நாட்களில் நடைபெறும் நிகழ்வுகள் குறித்துத் தகவல்களைப் பெற விரும்புவோர் பதிவு செய்து கொள்ளலாம்.
ஆர்வத்திற்கு அன்பார்ந்த நன்றி! chennaiintlqueerfilmfest@gmail.com என்ற முகவரிக்கோ orinamwebber@gmail.com என்ற முகவரிக்கோ தயவுசெய்து மின்னஞ்சல் அனுப்பவும்.
கண்டிப்பாக, எந்தக் கட்டுப்பாடுகளும் இல்லை. ஆனால், படம் திரையிடப்பட்டுக் கொண்டிருக்கையில் அரங்கிலிருந்து உள்ளேயும் வெளியேயும் செல்வதைத் தவிர்க்கவும்.
இல்லை. உங்கள் பாலினம் மற்றும் பாலீர்ப்பைப் பொருட்படுத்தாமல் இந்த நிகழ்ச்சியில் அனைவரும் கலந்து கொள்ளலாம்!
இல்லை, பிரிவு 377, LGBTQI மக்களையோ அல்லது அவர்களின் ஆதரவாளர்களையோ தண்டிக்க வழி செய்யவில்லை. மேலும், இது போன்ற நிகழ்வுகளையும், பேரணிகளையும், திரைப்பட விழாக்களையும் அரசியலமைப்புச் சட்டப்படி அனுமதிக்கப்பட்ட கருத்துச் சுதந்திரத்தின்படி அமைதியான முறையில் நடைபெறும் எந்தவொரு நிகழ்வுகளையும் அச்சட்டப்பிரிவு குற்றமாகக் கருதவில்லை.
CIQFF அணுகத்தக்க, மாற்றுத்திறனுடையோர் நலன் கருதும் விழாவாக இருக்க உறுதி கொண்டுள்ளது. விழா நடக்குமிடம் சாய்தளங்களையும், சக்கர நாற்காலிகளுடன் அமருமிடங்களையும், அதிக பட்ச்ச மக்களால் அணுகத்தக்க கழிப்பறைகளையும் கொண்டுள்ளது. எங்கள் தன்னார்வலக் குழுவினர் அனைத்துத் திரைப்படங்களும் அனைவராலும் புரிந்து கொள்ளுமாறு இரு மொழிகளில் (தமிழிலும் ஆங்கிலத்திலும்) துணையுரைகள் இருக்குமாறு மேம்பாடுகளைச் செய்து வருகின்றனர். எங்களுக்குத் தெரிந்த வரையில் நிறைய திரைப்படங்கள் வளம் குறைந்தவர்களாலேயே தயாரிக்கப்படுகிறது. எனவே, எங்கள் தன்னார்வலர்கள் தேர்ந்தெடுக்கப்படும் நிறைய படங்களுக்கு முடிந்தவரை இரு மொழிகளிலும் துணையுரைகள் கிடைக்குமாறு அவற்றை உருவாக்க முயன்றும் வருகின்றனர்.
*நீங்கள் மாற்றுத்திறநாளிகளின் துறையில் பணிபுரிபவராக இருந்தால் அல்லது இத்தகைய நிகழ்ச்சிகளை மாற்றுத்திறநாளிகள் எளிதில் அணுக வகை செய்பவராக இருந்தால் அல்லது நீங்கள் ஒரு மாற்றுத்திறநாளியாக இந்த நிகழ்ச்சியில் பங்கேற்க முனைந்தால், எங்களை தொடர்பு கொண்டு உங்கள் கருத்துகளையும், தகவல்களையும் எங்கள் தன்னார்வலக்குழுவினரிடம் பகிர்ந்து கொள்ளுமாறு பணிவுடன் வேண்டுகிறோம்!
*நீங்கள் ஆங்கிலம் அல்லது தமிழ் அல்லது மற்ற மொழிகளையும் சரளமாக உபயோகிப்பவராக இருந்தால், உங்களுக்கு துணைத் தலைப்புகள் தயாரிப்பில் அனுபவம் இருந்தால் தயவு செய்து எங்களை தொடர்பு கொள்ளவும்!
இந்த நிகழ்வு தொடங்கும்முன் ஊடகங்களில் சில செய்தி வெளிவருவது வழக்கமே. அதுமட்டுமின்றி, கலந்தாய்வு போன்ற நிகழ்சிகளில் ஊடகங்கள் மிக்கஆர்வம் கொண்டுள்ளனர். தாங்கள் ஊடகத்துறையில் உள்ளவர் என்றால், இந்த நிகழ்வு பற்றி நிகழ்ச்சி தயாரிக்கவோ அல்லது செய்திக் கட்டுரை அச்சிட விரும்பினாலோ chennaiintlqueerfilmfest@gmail.com என்ற முகவரிக்கோ orinamwebber@gmail.com என்ற முகவரிக்கோ தயவுசெய்து மின்னஞ்சல் அனுப்பவும்.
படத் தயரிப்பாளருக்கான கேள்வி-பதில்
ஆம்! எங்கள் விழாவின் உள்கருத்தை வெளிக்கொண்டுவரும் எல்லா திரைப்படங்களையும் நாங்கள் வரவேற்க்கிறோம்! மாறுபட்டோர் பற்றி திரைப்படங்கள் தயாரிப்போரை ஊக்குவிப்பதே எங்கள் முதன்மை நோக்கம். பின்வரும் இணைப்புகளில் உள்ள படிவங்களை பூர்த்தி செய்து chennaiintlqueerfilmfest@gmail.com என்ற முகவரிக்கு “சமர்பிப்பு” என்று மின்னஞ்சல் பொருளிட்டு அனுப்பவும். இந்த படிவத்தை தமிழில் அல்லது ஆங்கிலத்தில் சமர்ப்பிக்கலாம்.
படங்களை சமர்ப்பிக்கவோ திரையிடவோ கட்டணம் கிடையாது. சமர்ப்பிக்கும் அனைத்தது படங்களும் திரையிடப்படும் உத்தரவாதம் இல்லை என்பதை தாங்கள் மனதில் கொள்ளவேண்டும். ஆனால், எங்களின் பல்கோண நோக்குடைய மற்றும் அன்புமிகுந்த தேர்வுக் குழு உங்கள் படத்தை அலசி ஆராய்ந்து, உரிய பக்கச்சார்பில்லா முடிவெடுப்பார்கள் என உறுதியாகக் கூறுகிறோம்! எந்த முடிவும் எளிதில் எடுக்கப்படாது!
எங்கள் நிகழ்ச்சியின் கால அட்டவணை நிரம்பியுள்ள நிலையிலும் படத்தயாரிப்பாளர் பார்வையாளர்களுடன் கலந்துரையாடுவது சுவாரஸ்யமாக இருக்கும் என நினைக்கிறோம். ஆனால், உங்கள் பயணச் செலவை எங்களால் ஏற்றுக்கொள்ள முடியாது என வருத்தத்துடன் தெரிவித்துக் கொள்கிறோம். காணொளிக் கலந்துரையாடல் மூலம் பார்வையாளர்களுடன் பேச முனைந்தால் எங்களிடம் கூறவும்.
பார்வையாளர்களின் கருத்து பரிமாறுதலுக்கிணங்க மற்றும் தமிழ் பேசும் பார்வையாளர்களுக்கு புரியும்படியாக, எங்களால் முடிந்தவரை பல திரைப்படங்களுக்கு தமிழ் துணைத்தலைப்புகள் செய்ய முன்வந்துள்ளோம். துணைத்தலைப்புகள் தன்னார்வலர்களால் செய்யப்படும். ஆங்கிலப்பொருள் மாறாதிருக்க முடிந்தவரை முயற்சி செய்வோம்!
துணைத்தலைப்புகள் செய்யும் வேலையை தன்னார்வலத்தொண்டர்கள் கட்டணம் ஏதுமின்றி செய்துள்ளனர். இந்த வேலைக்கு CIQFF-உம் கட்டணம் ஏதும் ஏற்றுக்கொள்ளாது. கட்டணத்திற்கு மாறாக தொடர் ஒத்துழைப்பையும் பரஸ்பர ஆதரவையும் மட்டுமே நாங்கள் எதிர்பார்க்கிறோம். எதிர்காலத்தில் துணைத்தலைப்புகளை உபயோகிக்க நினைத்தால், CIQFF-ன் முயற்சி குறிப்பிடப்பட்டால் மிக்க மகிழ்ச்சி. துணைத்தலைப்புகள் செய்யும் வேலை விற்பனை அல்லது வணிக நோக்கத்திற்காக இல்லை. பின்வரும் இரு நோக்கங்களுக்காக மட்டுமே:
1) தமிழைத் தாய்மொழியாகக்கொண்ட மற்றும் தமிழ்நாட்டில் வாழும் மாறுபட்டோர், அவர்கள் சகாக்களின் உபயோகத்திற்காக.
2) தயாரிப்பளர்களின் படங்களை பன்மொழிப் பார்வையாளர்கள் புரிந்து கொள்வதற்காக.